Jub Naraz Hoti Ho.....


K jub naraz hoti ho,
meri jaan tum kbhi mujhsy....


main hansna bhool jata hun !
mujhy aansu nhi aaty ,


magr..!!!!


aankhon k goshon main nammi mehsoos hoti hai,
mujhy hr cheez main jana kami mehsoos hoti hai...!!

Bohat Muddat Se Aisa Hai..........!!


Bohat muddat se aisa hai,
K wo khamosh rehta hai.


Koi gehra hai ghum shayad,
Jise chup chap sehta hai.


Youn hi chalte hue tanha,
Koi ghamgheen sa nagma.


Wo aksar gungunata hai,


Milaye nazron se jab nazrain.
To baatain bhool jata hai,


Kabhi bethe hue tanha.


Ya phir barish k mausam me,
Faqat itna hi kehta hai.


Udaasi be-waja si hai,


Bohat bojhal tabiyat hai.


Bhala sach q nahi kehta,
Usay Mujh Se MUHABAT Hai.

Mujh ko rula kar udas tha.....!!


Mujh se bichar k Mujh ko rula kar udas tha,
Meri tarah wo khud ko jala kar udas tha,

Aesay ajeeb dard k pehray thay chaar soo,
Ab k wo meray shehar may aaker udaas tha,

Mujh ko b uski yaad satati rahi bohat,
Wo b diyar-e-ghair may jaa kr udaas tha,

Meray ilawa b hai koi uska shehar may,
Itni c baat mujh ko bata kar udas tha...

Bichrne Se Pehle Mujhay....!!


Bichrne se pehle mujhe seeney se lga kar jana.
Dil main atish-e-mohabbat hai ise bhuja kar jana.

Mujhe tanhaion ke dais mein akela chor kar
Kyun nikla teri ankh se aansoo ye raaz bta kar jana.

Meri dewangi kahin tujhe badnaam na kar de
Is se pehle hi mar jaon koi aisi dua kar jana

Tujhe Manaun To Maan Jana.........


Main Apni Raton Ki Fursaton Me Tujhe Manaun To Maan Jana,
Agar Kisi Din Main Apne Aansoo Jo Le Ke Aau'n To Maan Jana,

Ye Ek Dil Hi Tumhein Dia Tha.. So Is Ko Tum Ne Hi Torr Dala,
Shikastah Dil Ki Jo Kirchio'n Ko Smait Laau'n Toh Maan Jana,

Tu Khush Nahi Hai Meri BaQa Per Toh Sirf Itna Bata;
Teri Khushi Ke Liye Jo Sooli Pe Muskrau'n To Maan Jana,

Tu Badguman Hai Meri Wafa Par To Sirf Ek Baar Aazma Le
Jo Haar Jaun To LouT Jana.. Jo Jeet Jaun To Maan Jana ♥ !

Mujhey Jane Kis Ne Chura Liya....!!!


Main Nahi Hoon Apne Wajood Mein,
Mujhey Jane Kis Ne Chura Liya,
Mera Sath Rehti Hai Ek Pari,
Koi Jaadoo Us Ne Chala Diya,

Meri Rooh Mein Wo Sama Gayi,
Mujhe Ishq Kerna Sikha Diya,
Meri Zindagi Wo Ban Gaye,
Mujhey Jeena Us Ne Sikha Diya,
Main To Khud Se Bhi Tha Anjana,
Mujhe Mujh Se Usne Mila Diya..♥

Jo Kaanp Utha Tha.........!!


Jo kaanp utha tha mujhe gawaane k khauf se..
wo chorr gya mujhe Zamaane k khauf se..

Duniya mein kuch khaas khush nahi hun mein..
jee rahay hain bas marr janay k khauf se..

Humari misaal bhi unn phooloun si hai..
jo khiltay hee nahi murjhane k khauf se..

Kaun ho tum?


Kaun ho tum?
Jo mere dilo-dimag par
Is tarah chh gaye ho


Kaun ho tum
jo is tarah chupke se
Meri jindagi me aa gaye ho


Kabhi door lagte ho , bahut door
Kabhi paas , ekdam paas
Pal men hota hun khush
Pal men udas.


Hari ghas aur hari ho gai hai
Aur neela aasman aur bhi
Neela ho gaya hai
Phir bhi kuchh hai
Jo kho gaya hai.


Kaun ho, tum
jo meri neend udathe ho
tum jo mera chain churate ho


tum jo meri dhadkanon men sama gaye ho
tum jo is tarah chupke se
meri jindagi me aa gaye ho


kaun ho?
Kaun ho tum

Woh Pyaar Ka Sabut Dikhaya Karte Thhe,


Woh Pyaar Ka Sabut Dikhaya Karte Thhe,
Aansu Baha Ke Hume Manaya Karte Thhe,

Iss Zindagi Mein Sirf Aap Se Wasta Hai,
Wo Aksar Hamein Batlaya Karte Thhe,

Tab Zindagi Mein Sone Ki Fursat Kise Thhi,
Woh Hume Saari Raat Jagaya Karte Thhe,

Bechaini Jab Had Se Jyada Badh Jati Thhi,
Tab Woh Jee Bhar Ke Gale Lagaya Karte Thhe,

Woh Mohabbat Karne Wale Badal Gaye,
Jo Har Baat Par “Meri Kasam” Khaya Karte Thhe...

Woh Shakhs Koi Faisla Kar Bhi Nahi Jata


Qurbat Bhi Nahi, Dil Se Utar Bhi Nahi Jata,
Woh Shakhs Koi Faisla Kar Bhi Nahi Jata,

Dil Ko Teri Chahat Pe Bharosa Bhi Bohat Hai,
Aur Tujh Se Bichar Jane Ka Dar Bhi Nahi Jata,

Aankhein Hain Ke Khali Nahi Rehti Hain Lahoo Se,
Aur Zakhm-e-Judai Hai Ke Bhar Bhi Nahi Jata,

Woh Rahat E Jaan Hai.. Magar Is Dar-Ba-Dari Mein,
Aisa Hai Ke Ab Dhyaan Udhar Bhi Nahi Jata,

Hum Dohri Aziyaat Ke Giraftaar Musafir,
Pao'n Bhi Hain Shal.. Shoq-e-Safar Bhi Nahi Jata,

Pagal Huwe Jate Ho FaRaZ.. Un Se Mile Kya;
Itni Si Khushi Se Koi Mar Bhi Nahi Jata..♥ ♥

Main Sawal Bhool Jaun, Wo Jawab Bhool Jaye........!!


Milen Hum Kabhi To Aise Ke Hijaab Bhool Jaye,
Main Sawal Bhool Jaun, Wo Jawab Bhool Jaye,

Wo Kisi Khayal Mein Ho Aur Usi Khayal Mein Hi,
Kabhi Mere Raste Mein Wo Gulaab Bhool Jaye,

Jo Kabhi To Padhne Baithe, Mujhe Harf Harf Dekhe,
Teri Aankhein Bheeg Jayein, Tu Kitab Bhool Jaye,

Teri Soch Par Ho Haavi Meri Yaad Is Tarahse,
Ke Tu Apni Zindagi Ka Ye Nisaab Bhool Jaye,

Mujhe Gam Wo De Raha Hai Magar Uspe Chahta Hai,
Main Hisaab Rakh Na Paun, Wo Hisaab Bhool Jaye,

Mujhe Saath Jaate Jaate Faqt Itna Keh Gaya Hai,
Jise De Dikhayi Achha Wo Kharab Bhool Jaye..♥

Karon Ga To Kia Karun Ga....


Main nafrton ke jahan me reh kr, juda krun ga to kia krun ga
Ye thek kehty ho bewafa hun,wafa krun ga to kia krun ga

Bs ek tu hi to reh gya hy,jahan sara to kho chuka hun
Tujhe be apni anaa me aa kr Khafa krun ga,to kia krun ga

Hazar sajdy to kr chuka hun,Qaza tmhari Mohabbton me
Main ab dikhawy ka koi sajda adaa krun ga to kia krun ga.

Baghair pani be koi machali, bhala kbi reh ski hy MEER?\
Main tujko kho kr, kisi ka ho kr, bata, krun ga to kia kron ga.

Bhool Jana Uski Aadat Hai....


Mohabbat Mein Bhi Wo Taza Ba-Taza Ka Hi Qayel Hai,
Poori Chahaton Ko Bhool Jana Uski Aadat Hai,

Zyada Garoor Bhi Achha Nahi Hai Aisi Baaton Par,
Kisi Ka Naam Likh Likh Kar Mitana Uski Aadat Hai,

Lagta Rehta Hai Koi Dilon Mein Aag Si Goya,
Hamesha Lakdiyan Geeli Jalana Uski Aadat Hai,

Mohabbat Mein Wo Sanjeeda Hai Kitna Dekhte Rehna,
Mohabbat Har Kisi Se Yun Jatana Uski Aadat Hai,

Shikayat Karne Aaye Ho To Itna Zehen Mein Rakhna,
Sabhi Baaton Ko Baaton Mein Udana Uski Aadat Hai ♥ =(

Muhabbaton Ne Kesa Kamal Ker Dala.....!!


Muhabbaton ne kesa Kamal ker dala
Humein to udasiyon ki Misal ker dala

Kabhi milein to puchein gay ek dojey se
ke kis ko kis ke Gham ne nidhaal ker dala

Tu bata us se kia kahungi Main
Meri udaasi py jo kisi ne Sawal ker dala

Suna tha zindgi ka safar buhat Mushkil hy
Muhabbat kr ke isey aur be Muhal ker dala

Kuch hum bhi maum ke thy aur kuch tum ne bhi
Zindagi ko Shuolon ki Shal ker dala.

Pehly tou bohat yaad kia karty thy tum...
Ab aesa bhulaya ke kamal kar dala..

Ek Khwaish Sarhaney Rakh Do Na.....!!


Ek Khwaish Sarhaney Rakh Do Na,
Aaj Mujh Pey Inaayat Kar Do Na,

Zara Chupkey Se Khaamoshi Sey,
Tum Izhar-e-Mohabbat Kar Do Na,

Khud Ko Kar Ke Deewana Sa,
Mera Pyaar Amar Tum Kar Do Na,

Main Pyaas Mein Dooba Sehra Hoon,
Tum Mujh Ko Samandar Kar Do Na,

Main Yun Hi Phirta Hoon Dar-Ba-Dar,
Tum Khud Ko Manzil Kar Do Na..♥ !

Meri Nazar Mein Rahti Hai.....


Meri Nazar Mein Rahti Hai Ek Khwab Si Larki,
Jaisey Saans Leti Huvii Mehtaab Si Larki,

Main Us Se Faasla Na Rakhta To Aur Kya Karta,
Main Hawaon Sa Paagal.. Woh Chiragh Si Larki,

Use Suna Nahi.. Mehsoos Kiya Hai Main Ne,
Har Ek Shabd Pe Chup Hai Woh Kitaab Si Larki,

Darmiyaan Mein Hamare Hazaron Hijaab Hain Lekin,
Phir Bhi Zahir Hai Mujh Pe Woh Naqaab Si Larki,

Uske Samne Mein Be-Zubaan Sa Rah Jata Hun..
Kaii Sawaal Liye.. Woh Jawaab Si Larki..♥ !! =(

Aao Tumhi Karo Masihaai.....


Aao Tumhi Karo Masihaai
Ab Behalti Nahin Hai Tanhai

Tum Gaye Thy Tou Sath Le Jaate
Ab Ye Kis Kaam Ki Hai Beenai ?

Hum Ke Thy Lazzat.e.Hayaat Main Gum
Jaan Se Ik Mouj.e.Tishnagi Aayi

Humsafar Khush Na Ho Mohabbat Se
Jaane Hum Kiske Houn Tam'manai

Koi Deevana Kehta Jata Tha
Zindagi Ye Nahin Mere Bhai

Awwal Ishq Main Khaber Bhi Na Thi
Izzatein Bakhsti Hai Rusvaai

Kaise Paao Mujhe Jo Tum Dekho
Satah.e.Sahil Se Meri Gehraai

Jin Main Hum Kheil Ker Jawaan Howe
Wohi Galiyaan Hoin Tamashaai

Naqsh-e-Baqa Chor Jaon Ga.....


Dar-e-Fanah Me Naqsh-e-Baqa Chor Jaon Ga
Mai Apney Baad Apni Sada Chor Jaon Ga

Hain Aur Bhi Chaman Meri Khushbo Ke Muntazir
Mai Is Chaman Ko Misley Sabah Chor Jaon Ga

Doon Ga Qali Qali Ko Peghaam-e-Shaguftai
Gulshan Me Aik Husun-e-Adaa Chor Jaon Ga

Ley Jaon Ga Apni Wafa Ko Bhi Apney Saath
Aur Unke Liye Yaadein Wafa Chor Jaon Ga

Jo Mere Dil Pay Zakham Lagatey Rahey Sadaa
Unke Waastey Bhi Duaa Chor Jaon Ga

Mausam Hai Barish Ka Aur Yaad Tumhari Aati Hai,


Mausam Hai Barish Ka Aur Yaad Tumhari Aati Hai,
Barish Ke Har Qatre Se Awaz Tumhari Aati Hai.

Badal Jab Garajte Hain, Dil Ki Dharkan Badh Jati Hai,
Dil Ki Har Ek Dharkan Se Awaz Tumhari Aati Hai.


Jab Tez Hawayein Chalti Hai To Jaan Hamari Jati Hai,
Mausam Hai Barish Ka Aur Yaad Tumhari Aati Hai.

Hairat Hai Waqt Ne Bhi Sikhaya Nahi Tujhe.


Hairat Hai Waqt Ne Bhi Sikhaya Nahi Tujhe.
Jeena Hai Kiss Tarah Ye Bataya Nahi Tujhe.

Misley Ghulab Tar Tujhey Rakkha Hai Zeest Ne.
Meri Tarah Dukhon Mai Jalaya Nahi Tujhe.

Mujh ko Yaqeen Tha K Tujhe Loatna To Hai.
Tu Ruthh Bhi Gaya To Manaya Nahi Tujhe.

Tu Ajnabi Raha Tere Haq Mai Bhala Huwa.
Apno Ki Qurbaton Ne Sataya Nahi Tujhe.

Pighlain Hain Apni Aag Mai Ham Khud,
Magar Kabhi Iss Aatish-e-Junoon Mai Jalaya Nahi Tujhe.

Itne Thai Dil Girafta Judai Ki Raat Ham.
Apna Koi Bhi Shair Sunaya Nahi Tujhe.

Manzar Hai Vahi Thathak Rahi Hoon


Manzar hai vahi thathak rahi hoon
Hairat se palak jhapak rahi hoon

Yeh tu hai keh mera vehem hai
Band aankhon se tujh ko tak rahi hoon

Jaisay ke kabhi na tha ta'arruf
Yoon miltay huay jhijhak rahi hoon

Pehchaan main teri raushni hoon
Aur teri palak palak rahi hoon

Kiya chain mila hai sar jo us ke
Shaanon pe rakkhay sisak rahi hoon

Ik umr hui hai khud se lartay
Andar se tamaam thak rahi hoon

Halaat ki gardish se ghabraaya nahin kartay....


Kabhi halaat ki gardish se ghabraaya nahin kartay
Hisaab-e-zindgaani sab ko samjhaaya nahin kartay

Bohot be-chain kar detay hain mustaqbil ke andeshay
Bohot se khaab hain taabeer jo paaya nahin kartay

Kheyaalon ke gulistaanon mein aati ha khizaa.n bar
Bohot se zakhm hain aisay jo dikhlaaya nahin kartay

Rivaaj-o-rasm ki bandish ujaalay cheen leti hai
Khalish dil mein ho sab ko batlaaya nahin kartay

Koi dil mein ho aur vo doosray ke dil ki dharkan ho
Muqaddar apna apna hai sabhi paaya nahin kartay

Main apni aankhon ke khaab likkhoon....


Main apni aankhon ke khaab likkhoon, saraab likkhoon
Ya zindagi ka vo baab likkhoon
Vo baab jis mein haqeeqatain hon, sadaqatain hon
Vo baab jis mein vo khaab meray
Saraab ban ke bikhar gaye hon
Vo khaab main ne
Na jaanay kitni riyazaton se saja rakkhay thay
Main zindagi ki uljhanon mein
Kuch is tarah se ulajh gaya hoon
Keh lamha lamha vajood mera sulag raha hai
Main apni jaanib nazar utha ke jo dekhta hoon
To sochta hoon
Yeh ajnabi koi aur ho ga, yeh main nahin hoon

Darya Ki Hawa Tayz Thi | Amjad Islam Amjad Sad Poetry


Darya ki hawa tayz thi, kashti thi purani
roka tou bohat, dil nay magar aik na mani

mein bheegti aankhoon say usay kesay hata'oon
mushkil hai bohat abr mein deewar uthani

nikla tha tujhay dhoondnay ik hijr ka tara
phir us k ta'aqub mein ga'ee, sari jawani

kehnay ko na'ee baat ko'e ho tou suna'een
sou bar zamanay nay suni hai ye kahani!

ye pull hai yahan phool kahan, pichhlay bars k
hai din tou wohi doost, magar aur hai pani

kis tarah mujhay hota gumaan, tark-e-wafa ka
aawaz mein thhra'oo tha, lehjay mein rawani

ab mein usay qatil kahoon Amjad keh masiha
kia zakham-e-hunar chhor gaya, apni nishani!

Khuda Ki Zaat.......


Sharafat Soz Tasveeron Ki Uryani Nahin Jati
Adab Ki Aar Main Targheeb-e-Romani Nahin Jati

Khuda Maaloom Nasal-e-nau Ka Kiya Anjaam Hona Hai
Watan Se Fahash Naghmoun Ki Farawani Nahin Jati

Azaab Aye To Us Main Sein'kron Ki Jaan Jati Hai
Nahin Jati To Shaitanon Ki Shaitani Nahin Jati

Kahin Basti Ki Basti Boond Boond Pani Ko Tarasti Hai
Kahin Barish Barasti Hai To Tughyani Nahin Jati

Zamana Isqadar Qaail Howa Hai Jhoote Logon Ka
Jo Sach Kehte Hain Unki Aik Bhi Maani Nahin Jati

Jahan Ke Zarre Zarre Se Numaayan Hai Jaalal Uska
Magar Hum Se Khuda Ki Zaat Pehchani Nahin Jati

Charagar Haar Gaya....!!


Charagar haar gaya ho jaisey
Ab tou marna he dawa ho jaisey

Mujh say bhichra tha woh pehley bhe magar
Ab kay ye zakhm neya ho jaisey

Mere maathy pe tere pyar ka hath
Rooh per dast-e-saba ho jaisey

Yoon bohut hans ke mila tha lekin
Dil he dil main wo khafa ho jaisey

Sar chupaen tou badan khulta hai
Zeest muflis ki rida ho jaisey

Dil Deewana Tum par Aa gaya.....


Yeh to Dil Tha Deewana k Tum par Aa gaya
Warna Hum Keemti Pathron ko bhi Uthaya nahein Kartey

Yeh Maana k Tum Haseen ho, Magar Yeh Bhi Sunlo
Hum Haseen Logon se DiL Lagaya Nahein Kartey .

Jiss se Kartey Hein Pyaar Bus 1 He baar Kartey hein,
Bar Baar Hum bhi Kissie ko Sataya Nahein Kartey.

Tum to Apne Ho Ab Tumse Kiya Parda
Warna Hum Raz-e-DiL Kissie ko Bataya Nahein Kartey,

Tum Kehdo to Tumharey Liye Jaan BHi Hazir
Warna Hum Zindagi Dao Par Lagaya Nahein kartey . . .

Khabon Mein Mere Na Tum....


Khabon mein mery na tum aya karo
Meri jaan mujhy na staya karo

Aa kar jo deti ho khushiyan mujhy
ja kar mujhy na r ulaya karo

Muntazir hon tum sy milny ko main
Intazar mein na mujh ko tarpaya karo

Jajti hai khushi chehry par tery
Dekh kar mujhko bhi muskraya karo

Na chhorna kabhi bhi ay dost
Khush reh kar khushian lutaya karo.

Ek aas, Ek ehsas...


Ek aas
Ek ehsas
Meri soch
Or
Bus TUM..!

Ek sawal
Ek majaal
Tumhara khayal
Or
Bus TUM..!

Ek baat
Ek sham
Tumhara sath
Or
Bus TUM

Ek dua
Ek faryad
Tumhari yaad
Or
Bus TUM..

Mera junon
Mera sukoon
Bus TUM
Or
Bus TUM..!!

Tera Gham Apni Jaga....!!


Tera Gham Apni Jaga
Dunia K Gham Apni Jaga
Phr B Apne Ehd Pr Qaaim Hum Apni Jaga

Kya Krain Ye Dil Ksi Ki Na-Sihaa Sunta Nahi
Aap Ne Jo Kuch Kaha
Ae Mohatram
Apni Jaga

Hum Mohad Hain Buton K Poojny Waaly Nahi
Pr Khuda Lagti Kaheen To
Wo Sanam Apni Jaga

Yaar-e-BeParwaa !
Kabi Hum Ne Koi Shikwa Kiya ?
Haan Mgr In Na'Sapaas Ankhon Ka Nam Apni Jaga

Mehfil-e-Jana Ho
Maqtal Ho
K Maikhana Faraz
Jis Jaga Jaain Bana Lete Hain Hum
Apni Jaga

Saans Laina Hua Muhaal.....


saans laina hua muhaal mujhay
is muhabbat say ab nikaal mujhay

ab mein teri he zimaydaari hoon
kho na jaaun kahin sanbhaal mujhay

ab behalta nhi mein lafzon say
ab na daina koi misaal mujhay

sab kay baaray men sochta hoon magar
khud ka rehta nhi khayaal mujhay

jaatay jaatay woh kis liay palta
ab sataaey ga yeh sawaal mujhay

jo teray bin guzaarna thehray
aik saddi sa hai aik saal mujhay

saaf keh day jo teray dil men hai
in bahaanon say ab na taal mujhay

yaad rakha na bhool paaya hoon
hai isi baat ka malaal mujhay

Yaar Ko Hamne Ja Ba Ja Dekha


Yaar Ko Hamne Ja Ba Ja Dekha
kahin zahir kahin chupa dekha

kahin momkin hoa kahin wajib
kahin fani kahin baqa dekha

kahin wo baadshaah-e-takht nasheen
kahin kaasa liye ghada dekha

kahin wo der leebaas-e-mashoka
ber-ser-ray naaz aur aada dekha

kahin ashiq niyaz ki soorat
seena phir yon dil jala dekha

Yaar Ko Hamne Ja Ba Ja Dekha
kahin zahir kahin chupa dekha

Zara Tum Shaam Honey Do !


Main Titli Ko Sula Doon Ga Zara Tum Shaam Honey Do,
Main Jugnoo Ko Jaga Doon Ga Zara Tum Shaam Honey Do !

Kahan Aaghaz Hota Hai, Kahan Anjaam Hota Hai,
Huner Saarey Sikha Doon Ga Zara Tum Shaam Honey Do !

Mujhey Itni Mahaarat Hai Ke Main Saada Say Lafzon Mein,
Tumhein Dilkash Bana Doon Ga Zara Tum Shaam Honey Do !

Mairi nam-naak Nazron Ko Na Daikho Tum Haqaarat Say,
Main Tum Ko Bhi Rula Doon Ga Zara Tum Shaam Honey Do!

Katoon Si Chubhti Hai Tanhai....!!!


Katoon Si Chubhti Hai Tanhai
Angaroon Si Sulagti Hai Tanhai

Koi Aa Kar Hum Dono Ko Hunsa De
Main Rota Hoon Rone Lagti Hai Tanhai

Jab Bhi Tere Hisar Se Nikalna Chaha
Yaadoon K Beej Bone Lagti Hai Tanhai

Raat K Kisi Hise Main Yeh Bhi Bewafa Ho Jati Hai
Main Nahi Sota Sone Lagti Hai Tanhai

Tum Se Judaa Ho Kar Is Se Hi Dil Laga Lia Hai
Mar Sa Jata Hoon Jab Khone Lagti Hai Tanhai...!!!

Ishq Mein Humein Itna.....


Ishq mein humein itna satatey kyun ho
shub-o-roz humein itna tarpatey kyun ho

baat hi jab nahi karni tumne hum se
humein apni mahfil mein bulatey kyun ho

her traf hai udasiyun ka pehra laga hoaa
phir khushyiun ke khawab dekhatey kyun ho

jo rishtey tum se nabaye nahi jatey
phir aisey taulaq banatey kyun ho

mohabbat mein dagha nahi dia jata
ker ke dhoka phir sumjatey kyun ho

rulana hi hai ager tum ne younhi
phir humein hansaatey kyun ho

chor do gey rastey mein humko
to phir merey pass atey kyun ho..

Tumhari Aankhein Kehti Hain....


Tumhari aankhain kehti hain hisaar-e-zaat say niklo
Tamanna meri ban jao, shab-e-barbaad say niklo

Kinara thaam lo dil ka bhula do her gila shikwa
Kabhi sachi hansi hans do purani yaad say niklo

Khayal-e-yaar acha hai magar jis nay wafa na ki
Palat ker phir sada na do, dar-e-faryad say niklo

Nahin koi muhabbat bhi, hijr rut bhi, raqabat bhi
To yeh dharka sa kaya, kahiye, wehem ki ghaat say niklo

Sukhanwer hum say kehta hai saja lo aankh men kuch khawab
Dharakna dil ko sikhla do, amaawas raat say niklo

Nahin tum ko gawara ab hamara qurb to keh do
Hamaray karb ki chhorro, tum is gardaab say niklo

Sar-e-maqtal jo jatay ho, na ho darmaandgi kuch bhi
Zamana daikh tham jaye, kuch is andaaz say niklo

Teri Gali Ko Chor Ke...!!


Teri gali ko, chor ke jana to hai nahi
duniya mai aur koi thikana to hai nahi

jee chahta hai raah mai mill jaye wo kahin
halan ke moajzon ka zamana to hai nahi

iss ghar mai uskay naam ka kamra hai aaj bhi
jiss ko kabhi bhi laut ke aana to hai nahi

saari hadon ko chor doon shohrat ke wastay
ab aisa waisa mera gharana to hai nahi

hairaan hoon mai kaisay wo batch kar nikal gaya
itna kharaab mera nishana to hai nahi

shayad wo rehmm kha ke teri jaan bakhsh day
qaatil hai koi dost purana to hai nahi

ashkon ko "ROOHI" kharch karo daikh bhaal k
aankhon ke paas, koii khazana to hai nahi
Related Posts Plugin for WordPress, Blogger...