Sukhe Hont Sulagti Aankhen ...!!
Sukhe hont, sulagti aankhen, sarson jesa rang.
Barson bad wo dekh k mujh ko reh jae ga dang.
Maazi ka wo lamha mujh ko aaj bhi khoon rulaye.
Ukhri ukhri baten us ki gheron jesa dhang.
Taara ban kar door ufaq par kale larze dole.
Kachi dor se urne wali dekho aik patang.
Dil ko to pehle hi dard ki deemak chaat gai thi.
Rooh ko bhi ab khata jaye tanhai ka zang.
Un hi k sadqe ya rab meri mushkil kar aasan.
Mere jese aur bhi hen jo dil k hathon tang.
Sab kuch de kar hans di aur phir kehne lagi taqdeer.
Kabhi na poori hogi tere dil ki aik umang.
Shabnam koi jo tujh se hare, jeet pe maan na karna.
Jeet wo ho gi jab jeeto gi apne aap se jang
