Naqsh-e-Baqa Chor Jaon Ga.....
Dar-e-Fanah Me Naqsh-e-Baqa Chor Jaon Ga
Mai Apney Baad Apni Sada Chor Jaon Ga
Hain Aur Bhi Chaman Meri Khushbo Ke Muntazir
Mai Is Chaman Ko Misley Sabah Chor Jaon Ga
Doon Ga Qali Qali Ko Peghaam-e-Shaguftai
Gulshan Me Aik Husun-e-Adaa Chor Jaon Ga
Ley Jaon Ga Apni Wafa Ko Bhi Apney Saath
Aur Unke Liye Yaadein Wafa Chor Jaon Ga
Jo Mere Dil Pay Zakham Lagatey Rahey Sadaa
Unke Waastey Bhi Duaa Chor Jaon Ga