Apna Gham Leke Kahiin Aur …


Apnaa Gham leke kahiiN aur na jaayaa jaaye
Ghar meN bikhri hui chiizoN ko sajaayaa jaaye

Jin chiraaGhoN ko havaaoN kaa koi Khauf nahiN
Un chiraaGhoN ko havaaoN se bachaayaa jaaye

Baagh meN jaane ke aadaab huaa karte haiN
Kisii titli ko na phuuloN se uDaayaa jaaye

Khudakushi karne ki himmat nahiN hotii sab meN
Aur kuchh din yuuNhi logoN ko sataayaa jaaye

Ghar se masjid hai bahut dur chalo yuN kar leN
Kisii rote hue bachche ko haNsaayaa jaaye


Wao

Related Posts with Thumbnails