Basti bhi samander bhi beyaban bhi mera hai
Basti bhi samander bhi beyaban bhi mera hai
AakheN bhi meri khab-e-pareshan bhi mera hai
Jo dubti jati hai wo kashti bhi hai meri
Jo tutta jata hai wo peyman bhi mera hai
Jo hath uthe the wo sabhi hath the mere
Jo chak huaa wo gereban bhi mera hai
Jis ki koi aawaz na pahchan na manzil
Wo qafla be saro saman bhi mera hai
Wiranye maqtal pe hejab aaya to is bar
Khud chikh para mai ke ye unwan bhi mera hai
Daraf tagee-e-subah basharat ko khaber kya
Andesha-e-sad sham-e-ghariban bhi mera hai
Mai waris-e-gul hoon ke nahi hoon mager hai jan
Khamyaza tauhin baharan bhi mera hai
Mitti ki gawahi se bari dil ki gawahi
YouN ho to ye zangeer ye zandaN bhi mera hai