Ishq mein haye sitam hum ne sahe kis kis ke
Ishq mein haye sitam hum ne sahe kis kis ke
Khaak mein gardish-e-qismat se mile pis pis ke
Yaad phir aa gayi qatil ki khuda khair kare
Khoon phir dene lagey zakhm-e-jigar ris ris ke
In haseenon se khuda saabqah dale na kabhi
Sab ko barbaad kiya dil mein rahe jis jis ke
Aa pade hain tere qasron mein jo isshaaq ke dil
Rang laayein gey kabhi masle hina pis pis ke
Jee mein aata hai ke likhay ko muqadar ke Jalil,
Main mitta doun dar-e-jaana pe jabin ghis ghis ke...!!!