Tujhe khoo kar bhi tujhay paaon | Ahmad nadeem qasmi
Tujhe khoo kar bhi tujhay paaon jahan tak dekhun
Husn-e- yazdan se tujhe husn-e-butan tak dekhun
Tune yun dekha hai jaisay kabhi dekha hi na tha
Main tou dil mein teray qadmon ke neeshan tak dekhun
Sirf iss shoq se poochi hain hazaron baatein
Main tera husn, teray husn-e-bayan tak dekhun
Meray veerana-e-jaan mein teri yaadon ke toofail
Phool khiltay nazar aatay hain, jahan tak dekhun
Waqt ne zehan mein dhudhla diye teray khad-o-khaal
Yun tou main toottay taaron ka dhuwan tak dekhun
Dil gya tha tou ye aankein bhi koi lai jata
Main faqat aik hi tasveer kahan tak dekhun
Ik haqeqat sahi, firdos mein huroon ka wajood
Husn-e-insaan se nibat lun tou wahan tak dekhun..!!!