Sharmeeli ankhon bolo
Tum taal ho neeli mojon ka
Hum taal kinary rehte hain
Tum noor ka behta darya ho
Hum iss darya mein behty hain
Tum dakh ke chup chup rehti ho
Hum chup chup sadmay sehte hain
Jiss raz ko rakha raz ab tak
Uss raz ko hum per bhi kholo
Sharmeeli Ankhon Bolo!
Tum sharm-o-haya ke parday mein
Kyun apne rog chupati ho?
Tum kis ke dihan mein gul gul kar?
Apne sukh chain guwati ho
Sawan ki andheri raton mein
Kyun barkha youn barsati ho?
Yeh moti hain nayab buht
Bekar na youn moti rolo
Sharmeeli Ankhon Bolo!
Sab hijar ke baid bata dalo
Kia khoof zamane walo ka?
Sab kisa-a-ishq suna dalo
Choro bhi tareeq ghazalo ka
Iss hunste gatay mosam mein
Kyun zehar khamoshi ka gholo
Sharmeeli Ankhon Bolo!