Kabhi toh yun tha - Noshi Gillani Nazam
Kabhi toh yun tha
Meri jabeen per tum apne honton se
Khuwaishon ki kai lakerien bana rahe thy
Phir inn lakeron mein
Apni chahat ke raston ko talashtay thy
Kabhi toh yun tha
Ke meri ankhon mein tum zaman-o-makan ki sari musarton ke
Surag patay hue yeh kehte
Kabhi na thuktay
Ke inn mein mere tamam khuwabon ka akas tabeer bun raha hai
Kabhi mere hath apne hathon mein le ke kehte
Meri rafakat tumhein muyasir na aa saki tou tumhari sansein
Musafaton ki thakan se kese sambhal sakein gi?
Main ab jo tanha ujaar raston pe chal rahi houn
Tou sochti houn
Kabhi toh yun tha.....!!!!!!