Bahut Mila Na Mila
Bahut mila na mila zindagi se gam kya hai
Mata-e-dard baham hai to besh-o-kam kya hai
Hum ek umr se vaqif hain ab na samajhao
Ke lutf kya hai mere meharaban sitam kya hai
Kare na jag mein ala'oo to sher kis masarf?
Kare na shahar mein jal thal to chashm-e-nam kya hai
Lihaz mein koi kuch dur sath chalata hai
Wagarna dahar mein ab khizr ka bharam kya hai
Ajal ke hath koi aa raha hai paravana
Na jane aaj ke feharist mein raqam kya hai
Sajao bazm, Ghazal gao, Jam taza karo
Bahut sahi gam-e-geti sharab kam kya hai.....