Phir se Be-Tarah Ujarr Jany Ka Mosam Aaya.........
Qurb-e-Janaa'n Ka, Na Mekhany Ka Mosam Aaya,
Phir se Be-Tarah Ujarr Jany Ka Mosam Aaya.
Kunj-e-Ghurbat mein Kabhi Gosh-e-Zindaan mein They Hum,
Jaan-e-Jaan Jab Bhi Tere aany Ka Mosam aaya.
Ab Lahoo Rony Ki Khowahish, Na Lahoo Honey Ki,
Dil-e-Zinda Tere Mar Jany Ka Mosam aaya.
Koocha-e-Yaar se Har Fasal mein guzry hain Magar,
Shayad ab Jaan se guzar Jany Ka Mosam aaya.
Sail-e-Khoon Shehar Ki galiyo'n mein Dhar aaya hai FARAZ,
Aur Tu Khush hai Ke Ghar Jany Ka Mosam aaya...|
