Har Aik Baat Pay Kehtey Ho
Har Aik Baat Pay Kehtey Ho K Tum Keh Tu Kia Hai
Tumhi Kaho Keh Yeh Andaz-e-Guftugoo Kia Hai
Na Sholay Mein Yeh Karishma Na Barq Mein Yeh Adaa
Koi Batao Keh Woh Shokh-e-Tand Khoo Kia Hai
Yeh Rashk Hai Keh Woh Hota Hai Hum Sukhan Tum Se
Wagarna Khof-e-Bad Aamzo-e-Adoo Kia Hai
Chipak Raha Hai Bdan Par Lahoo Se Pairahan
Hamari Jaib Ko Ab Hajat-e-rafoo Kia Hai
Jala Hai Jism Jahan Dil Bhi Jal Gaya Hoga
Kuraidtey Ho Jo Ab Raakh Justujoo Kia Hai
Ragon Mein Dorrtey Phirney K Hum Nahi Qayal
Jo Aankh Se He Na Tapka Tou Phir Lahoo Kia Hai
Woh Cheez Jis K Liye Hum Ko Behasht Azeez
Siwaey Bada-e-Gulfaam Mushkboo Kia Hai
Piyon Sharaab Agar Kham Bhi Dekh Loon Do Chaar
Yeh Sheesha-o-Qadah-O-Kooza-O-Saboo Kia Hai
Rahi Na Taqat-e-Guftaar Aur Agar Bhi Ho
Tou Kis Umeed Par Kahieye Keh Aarzoo Kia Hai
Hua Hai Shay Ka Masahib Phiray Hai Itrata
Wagarna Shehar Mein Galib Ki Aabroo Kia Hai….