Lab-e-Rukhsaar
Yeh Surkhi Jo Hai Tere Lab-e-Rukhsaar Pe Janaan ..
Yeh Rang-e-Sukhan Bharr Dey Mere Ashaar Mein Janaan, .
.
Niraali Shaan Sey Aaon Ga Sub Hairat Sey Dekhen Gay,
Libaas-e-Ishq Pehnoo Ga Tere Darbaar Mein Janaan, .
Mere Dil Ki Yeh Kefiyat Khuley Tum Pe To Kia Kehne.
Takalluf Hai Humain Jazbaat Ke Izhaar Mein Janaan,
Yeh Taareeki Ghatey Kese, Shab-e-Furqat Katey Kese.
Sehar To So Gai Shayad, Tere Rukhsaar Mein Janaan,
Hamari Koi Qeemat Ho Na Ho Kiya Farq Parta Hai .
Magar Hum To Bikain Gae Misar Ke Bazaar Mein Jannan,
Suni Hain Shab Ke Sunatay Mein Hum ne Siskiyaan Aksar .
Abhi Zinda Hai Woh Shayed Kisi Deewaar Me Janaan...!!