Zindagi Bhar Wafa Hamin Se Hui
Zindagi bhar wafaa humeiN se huii
Sach hai yaro khataa humeiN se huii
Dil ne har daagh ko rakha mehfooz
Ye zameeN khushnuma humeiN se huii
Hum se pehle zameen-e-shehar-e-wafa
Khaak thi, keemiyaa humeiN se huii
Kaun uThata shab-e-firaaq ke naaz
Yeh bala aashnaa humeiN se huii
Be-gharaz kaun dil gaNwaata hai
Teri Qeemat adaa humeiN se huii
Sitam-e-naarawa tujhi se hua
Tere haq mein dua humeiN se huii
Sa’yi – tajdeed-e-dosti ‘Nasir’
Aaj kya, baarha humeiN se huii