Awal Awal Ki Dosti Hai Abhi......
awal awal ki dosti hai abhi
aik ghazal hai k ho rahi hai abhi
main bhi shehr-e-wafa mai nowarid
woh bhi ruk ruk k chal rahi hai abhi
main bhi aisa kahan ka zod-o-shanas
woh bhi lagta hai sochti hai abhi
dil ki waruftagi hai apni jaga
phir bhi kuch ehtiyat si hai abhi
kaisa mausam hai kuch nahi khilta
banda bandi bhi dhoop bhi hai abhi
khud kalami main kab yeh nasha tha
jis tarha roobaru koi hai abhi
qurbatien lakh khubsorat hoon
dooriyon main bhi dilkashi hai abhi
main bhi kisi wadiye khayal main tha
baraf si dil pe gir rahi hai abhi
main to samjha tha bhar chuke sab hi zakhm
dag shayad koi koi hai abhi
zindagi kue na muradi hai
kis ko murr murr ke dekhti hai abhi
aisa lagat hai khilwat-e-jaan main
woh jo aik shaks tha wohi hai abhi
muddate ho gai Faraz magar....?
woh jo deewangi thi ke hai abhi