Bhool Sakta Hai Unhay Koi Bhi Aisay Kaisay...!
Bhool Sakta Hai Unhay,Koi Bhi Aisay Kaisay
Raftga'n Dil Main Basa Kartay Hain, Kaisay Kaisay
Jaan Le Kar Bhi Agar, Khush Nahi Honay Wala
Koi Batlaye Wo, Phir Manay Ga, Waisay Kaisay
Ye Meray Yaar Ki Ankho'n Main Raha Karti Thi
Pochiye Kuch Na Hui Dosti Ma'iy Se Kaisay
Wo To Anmol Hai,Nayaab Hai, Iklota Hai
Uski Tashbeeh, Karein Hum, Kisi Sh'ay Se Kaisay
Hanstay Hanstay Wo Judayi Ko Bhi Seh Jayega
Zinda Reh Payengay, Lekin, Meray Jaisay Kaisay
Zindagi Se Tujhay, Be-Dakhl, To Kar Dein Jana
Par Tu Niklay Bhi To Niklay, Rag-E-Ja'n Se Kaisay
Kulkulay Ma'iy Ki Tarha Behnay Laga Khoon Aba
Naghmay Niklay Hain, Meray Dard Ki, Na'iy Se Kaisay
Zindagi Ye Teri Raftaar Ajab Tarz Ki Hai
Chalna Chahein To Chalay Hum Teri La'iy Se Kaisay
Hamsay Kehtay Hain Bhula De Tumhein, Dekho To 'Wasi'
Mashwaray Humko Mila Kartay Hain, Kaisay Kaisay...!!!!