Azhar Durrani Urdu Poetry - Azhar Durrani Ghazal
Mera naseeb hoeeN talkhiyaaN zamanay ki
Kissi naiN khoob saza di hai muskuranay ki
Meray Khuda mujhay Tariq ka hosla ho ata
Zaroorat aan paRi hai kashtiyaaN jalanay ki
Main daikhta hoN her simt pancheeyoN kay hujoom
Ilaahi khair ho saiyaad ka gharanay ki
Qadam qadam pay saleeboN kay jaal phela do
Keh sarkashoN ko to aadat hai sar uthaanay ki
Shareek-e-jurm na hotay to mukhbari kertay
HumaiN khabar hai luteroN kay her thikanay ki
Hazaar haath girebaaN tak aa ga'ay Azhar
Abhi to baat chali bhi na thi zamanay ki