Raz-e-ulfat chhupa ke dekh liya..
Raz-e-ulfat chhupa ke dekh liya
Dil bohat kuch jala ke dekh liya
Aur kya dekhne ko baqi hai
Aap se dil laga ke dekh liya
Wo mere ho ke bhi mere na hue
Unko apna bana ke dekh liya
Aaj unki nazar mein kuch hum ne
Sub ki nazrein bacha ke dekh liya
Aas us dar se Tutti hi nahi
Ja ke dekha, na ja ke dekh liya
Faiz takmil-e-Gham bhi ho na saki
Ishq ko aazmaa ke dekh liya...!!!