Lehja Har Aik Lafz Ko by Arif Shafiq - Arif Shafiq Ghazal
Lehja Har Aik Lafz Ko Sachai De Gaya
Yani Qalam Ko Quwat-E-Goyai De Gaya
Bakhsha Hy Thokron Ne Sambhlne Ka Hosila
Har Hadsa Khayal Ko Gehrai De Gaya
Jis K Hawaley Se Thi Mere Fun Ki Aabro
Wo Umr Bhar K Wastey Ruswai De Gaya
Itni Hy Sirf Meri Mohabbat Ki Daasta'n
Ik Shakhs Tha Jo Zakhm-E-Shanasai De Gaya
Ab Khuwab Me B Bus Wahi Chehra Dikhai De
Uska Khayal Zehn Ko Beenaai De Gaya
Arif Me Doston Se Shikayat Hi Kya Karoon
Mujhko Fareb Mera Sagha Bhai De Gaya.....