Sunehri shaam ka manzar
Sunahree shaam ka manzar, bhala sa aik chahraa thaa
Dil-e-tanhaa kii dharkan par, terii yadon ka pehraa thaa
Humarey dil kay ghao bhar hii jatey, garr na hotey tum
Kay tum ghafil maseeha they, yahan par zakhm gahraa tha
Woh jis nay aa kay mairee zindagee rangeen kar dalii
Usee k sar mairee itni zaboon haalii kaa sahraa thaa
Jo beh jataa to kar daytaa tah-o-bala woh dunya ko
Woh ikk aansoo, terey janey pay, jo, palkon pay thhehraa thaa
Sabhee ahbaab waqif they, humary ishq say FAISAL
Magar jo thaa makeen-e-dil, wohee, iss say be bahraa thaa...