Mohabbaton ka bharam
Mohabbaton ka bharam kholte hain sannaate
Hijar ki shab mein bohat bolte hain sannaate
Kisi kisi ko yeh itna nawaz dete hain,
Kisi kisi ko bohat rolte hain sannaate
Rakhe hain chand sitaron ne hath kano per,
Suna tha main ne bohat bolte hain sannaate
Tumhare bus mein ager hoto jan lo inko,
Kisi pe khud ko kaha kholte hain sannaate
Suna hai main ne yeh tanhayon ke dushman hain,
Suna hai un mein zehar gholtay hain sannaate
Yeh meri shayari unki he aik ada samjho,
Ke meri soch ke darr kholte hain sannaate...!!!