Ghazal of Fatima Hassan
Yadoon ke sab rang urha kar tanha hoon
Apni basti se door aa kar tanha hoon
Koi nahin hai mere jaisa charon taraf
Apne gird ik bheerh saja kar tanha hoon
Jitne laug hain utni he aawazain hain
Lehjon ka toofan uthha kar tanha hoon
Roshniyon ke aadi kese jane gae
Aankhon mein do deep jala kar tanha hoon
Jis manzar se guzri thi main uske saath
Aaj usi manzar mein aa kar tanha hoon
Apne aap ko kho deney ki khahish main
Uss ka bhi ik naam bhula kar tanha hoon
--------------------------------------------------