Usne Aahista Se Pukara Jab Pukara Mujhe
Usne Aahista Se Pukara Jab Pukara Mujhe
Jhuk Ke Takne Laga Her Sitara Mujhe
Tera Ghum Is Fashaar Shub.o.Roz Main
Hone Deta Nahin Be Sahara Mujhe
Her Sitaare Ki Bujhti Hoi Roshni
Mere Hone Ka Hai Ista'ara Mujhe
Aye Khuda Koi Aisa Bhi Hai Moujza
Jo Ke Mujh Pe Kare Aashkara Mujhe
Koi Sooraj Nahin, Koi Taara Nahin
Tu Ne Kis Jhat'patte Main Utaara Mujhe
Aks Amroz Main, Naqsh Dairoz Main
Ik Ishara Tujhe, Aik Ishaara Mujhe
Hain Azal.ta.Abad Toot'te Aaine
Aagahi Ne Kahan Laa Ke Mara Mujhe