Us Kii Hasrat Hai.....


Us Kii Hasrat Hai Jise Dil Se Mitaa Bhii Na Sakuun
Dhuundhane Us Ko Chalaa Huun Jise Paa Bhii Na Sakuun

Daal Kar Khaak Mere Khuun Pe Qaatil Ne Kahaa
Kuchh Yeh Mehndii Nahiin Merii Ke Mitaa Bhii Na Sakuun

Zabt Kambakht Ne Aur Aa Ke Galaa Ghontaa Hai
Ke Use Haal Sunaauun To Sunaa Bhii Na Sakuun

Us Ke Pahaluu Men Jo Lejaa Ke Sulaa Duun Dil Ko
Niind Aisii Use Aaye Ke Jagaa Bhii Na Sakuun

Naqsh-E-Paa Dekh To Luun Laakh Karuungaa Sajde
Sar Meraa Arsh Nahiin Hai Ki Jhukaa Bhii Na Sakuun

Bevafaa Likhte Hain Vo Apnii Kalam Se Mujh Ko
Ye Vo Qismat Kaa Likhaa Hai Jo Mitaa Bhii Na Sakuun

Is Tarah Soye Hain Sar Rakh Ke Mere Zaanon Par
Apanii Soii Huii Qismat Ko Jagaa Bhii Na Sakuun

0 comments :

Post a Comment

Related Posts Plugin for WordPress, Blogger...