Khizan Ka Roop.......!!


Yunhi khizan ka roop suhana laga mujey
harr phool fasal-e-gul mai purana laga mujhey

mai kya kisi pe sang utthaney ki sochta
apna hee jism aaina khana laga mujhey

ai dost jhoot aam tha dunya mai iss qadar
tuney bhi sach kaha to fasana laga mujhey

abb usko kho raha hoo'n barhey ishtiyaq se
wo jisko dhundhne mai zamana laga mujhey

Mohsin hujum e yaas mai marne ka shok bhi
jiney ka ik haseen bahana laga mujhey

0 comments :

Post a Comment

Related Posts Plugin for WordPress, Blogger...