Koi daaGh hai mere naam par - Muneer Niazi Poetry


Koi daaGh hai mere naam par
koi saayaa mere kalaam par

ye pahaaR hai mere saamne
ke kitaab manzar-e-aam par

kisi intizaar-e-nazar meN hai
koi roshni kisi baam par

ye nagar parindoN ka Ghol hai
jo giraa hai daana-o-daam par

Gham-e-Khaas par kabhi chup rahe
kabhi ro diye Gham-e-aam par

hai “Munir” hairat mustaqil
maiN khaRaa huN aise muqaam par

0 comments :

Post a Comment

Related Posts Plugin for WordPress, Blogger...