Badalti rut ka ishara dekhte hain ....


Badalti rut ka ishara dekhte hain
Ab kaise ho ga guzara dekhte hain

Muhabbat ki yeh rasam bhi kitni ajeeb hai
Jaane wale palat kar dobara dekhte hain

Doobne waale doobne se zara pehle
Aik ummeed par kinara dekhte hain

Teri Khudaai se gilah hone lagta hai
Jab duniya men koi be-sahara dekhte hain

Kya muhabbat hamain bhi raas aaye gi
Aao apna apna sitara dekhte hain.

0 comments :

Post a Comment

Related Posts Plugin for WordPress, Blogger...