Awaz Ka Darya Tha Jo Ik Shaks.....!


Gum Sum Howa, Awaz Ka Darya Tha Jo Ik Shaks
Pathar Bhi Nahin Ab Wo Sitara Tha Jo Ik Shaks

Aey Taiz Hawa Koi Khabar Isky Janon Ki
Tanha Safar Shoq Pe Nikla Tha Jo Ik Shaks

Ab Akhri Sutron Me Kahin Naam Hai Uska
Ahbab Ki Fehrist Me Pehla Tha Jo Ik Shaks

Hathon Me Chhupaey Howy Phirta Hai Kae Zakham
Shishay Ke Khilono Se Behta Tha Jo Ik Shaks

Ab Us Ne Bhi Apna Liay Duniya Ke Qarinay
Saey Ki Rafaqat Se Bhi Darta Tha Jo Ik Shaks

Munkar Hai Wohi Ab Meri Pehchan Ka Mohsin
Aksar Mujhy Khat Khon Se Likhta Tha Jo Ik Shaks

0 comments :

Post a Comment

Related Posts Plugin for WordPress, Blogger...