Pucha kisi ne haal kisi ka tou ro diye


Pucha kisi ne haal kisi ka tou ro diye,
Pani mein aqs chaand ka dekha tou ro diye,

Naghma kisi ne saaz per chera tou ro diye,
Ghuncha kisi ne shaakh se tora tou ro diye,

Urta huwa ghubaar sar-e-rah daikh kar,
Anjaam hum ne ishk ka socha tou ro diye,

Baadal fiza mein aap ki tasweer ban gaye,
Saaya koi khayal se guzra tou ro diye,

Rang-e-shafaq se aag shagufon mein lag gai,
Saghar hamare haath se chalka tou ro diye...

Wao

Related Posts with Thumbnails