Gulshan ki bahaaron ne


Gulshan ki bahaaron ne sar-e-aam likha hai
Phir usne gulaabon se mera naam likha hai

Behte hue paani pe yeh lafzon ke sitaare
Shayad mere mehboob ne yeh paigaam likha hai

Yeh dard musalsal mere dil mein rahega
Kuch soch kar usne mera anjaam likha hai

Neendon ne kaha khwab se yeh hath milaa kar
Kya apne muqadar mein kabhi araam likha hai

Jisne kabhi meri janib murr kar nahin dekha
Uss shakhs ke haathon mein mera naam likha hai

RAAHI apni toh har raat guzarti hai safar mein
Aankhon ki zanjeeron pe yeh paigaam likha hai.....

Wao

Related Posts with Thumbnails