Akhtar Shirani - Meri sham-e-gam ko woh
Meri sham-e-gam ko wo bahala rahe hain
Likha hai ye khat mein ke hum aa rahe hain
Thahar ja zara aur dard-e-furqat
Hamare tasavvur mein wo aa rahe hain
Gham-e-aqabat hai na fikr-e-zamana
Piye ja rahe hain jiye ja rahe hain
Nahi shikava-e-tashnagi mayakashon ko
Wo aankhon se maikhane barasa rahe hain
Wo rashak-e-bahar aane wala hai “akhtar”
Kanval hasaraton ke khile ja rahe hain....