Din Ko Bhi Ye Ghar
Din ko bhi ye ghar kis k liye veeran rehta hai?
Yahan kia hum sa koi be-sar-o-saamaan rehta hai?
Dar-o-deewar sannaattay ki chaadar mein hain khuwab’eeda
Bhala aisi jaga zinda koi insan rehta hai?
Musalsal poochnay per aik chilman se jawab aya:
Yahan ik dil shikasta sahib-e-deewan rehta hai
Kia is k risht-e-daar bhi nahi milny aaty?
Ye sehra raat din sunsaan rehta hai
Is k ghar k aangan mein hain kuch phoolo’n k poday bhi
Khaali phir bhi her guldaan rehta hai.
Khuda ka shukr hai hum ik fiza mein saans laity hain
Agar milty nahi, itna to itminaan rehta hai...!