Baat karni Mujhe Mushkil Kabhi.....


baat karni mujhe mushkil kabhi aisi to na thi
jaisi ab hai teri mahfil kabhi aisi to na thi

le gaya chin ke kaun aaj tera sabr-o-qarar
beqarari tujhe ae dil kabhi aisi to na thi

chashm-e-qatil meri dushman thi hamesha lekin
jaise ab ho gai qatil kabhi aisi to na thi

un ki ankhon ne Khuda jane kiya kya jadu
ke tabiyat meri maael kabhi aisi to na thi

aks-e-ruKh-e-yar ne kis se hai tujhe chamkaya
tab tujh mein mah-e-kamil kabhi aisi to na thi

kya sabab tu jo bigarta hai "Zafar" se har bar
khu teri hur-e-shamail kabhi aisi to na thi

0 comments :

Post a Comment

Related Posts Plugin for WordPress, Blogger...