Qehqahon mein dasht dekhe hain.....


Na janay kitne dard dekhe hain
samandaron mei ashk dekhe hain

chandni rat-jagon mei ghultay
yaadon kay raqqs dekhe hain

gham-e-doran mei lazatein payin
qehqahon mein dasht dekhe hain

mail-jol, na maraasim koee
humne aise bhi rabt dekhe hain

lab khaamosh , magar alfaaz
ankho mein naqsh dekhe hain

aasmani chanchal rungo ke bas
paaniyon mien aks dekhe hain

char-deewari mein rihaai aur
khuli fizaon mei habs dekhe hain....!!!!

0 comments :

Post a Comment

Related Posts Plugin for WordPress, Blogger...