toolbar builder
Merey Barey Main Hawaoon Se Wo Kab Pochey Ga... Khak Jab Khak Main Mil Jaye Gi Tab Pochey Ga... Gher Basaney Main Khatra Hai K Gher Ka Malik ... raat Main Dair Se Aaney Ka Sabbeb Poche Ga... Apna Ghum Sab Ko Batana Hai Tamasha Karna... Hal -e-dil Us Ko Sunain Gey Wo Jab Pochey Ga... Jab Bicherna Bicherna Bhi To Hanstey Howey Jana Warna... Her Koi Rooth K Janey Ka Sabeb Pochey Ga... Hum Ne Lafzoon K Jahan Daam Lagey Baich Dia... Dhair Pochey Ga Hameein Ab Na Adab Pochey Ga...
toolbar builder
Kaho Naaaaaaaa
Kaho Na
Kaho Na Kay Mera Harf Harf
Meri Khaamoshi
Tumhay Yaad Hai
Kaho Na Kay Dil Aaj Bhi
Meri Yaad Say Abaad Hai
Kaho Naaaaaaa
Tum Gaye Jab Say
Sard Gallion Main Dhoop Aatee Nahi
Chhatt Bulaati Nahi
Tum Gaye Jab Say
Sard Gallion Main Dhoop Aatee Nahi
Chhatt Bulaati Nahi
Umeed Ka Naam Baaqi Nahi Hai
Buss Aik Khalish Hai Kay Jaati Nahi Hai
Appni Duniya Say Baahir Aao To Dekho
Meri Duniya Ka Kia Rang Ho Gaya Hai
Appni Duniya Say Baahir Aao To Dekho
Meri Duniya Ka Kia Rang Ho Gaya Hai
Kaho Na
Kaho Na Mera Harf Harf
Meri Khaamoshi
Tumhay Yaad Hai
Kaho Naaa Dil Aaj Bhi
Meri Yaad Say Abaad Hai
Kaho Naaa
Dard Ghehra Tha
Surkh Aankhon Main Yaad Barh Ayee Thi
Tumsay Harjayee Ki
Dard Ghehra Tha
Surkh Aankhon Main Yaad Barh Ayee Thi
Tumsay Harjayee Ki
Umeed Ka Naam Baaqi Nahi Hai
Buss Aik Khalish Hai Kay Jaati Nahi Hai
Bheegay Saahil Pay Humnay Jo Bhi likha tha
Mit Gaya Tha magar Hai Abhi Zara Sa
Bheegay Saahil Pay Humnay Jo Bhi Likha Tha
Mit Gaya Tha Magar Hai Abhi Zara Zara Sa
Kaho Naaaaaaaa
Kaho Na
Kaho Na Kay Mera Harf Harf
Meri Khaamoshi
Tumhay Yaad Hai
Kaho Na Kay Dil Aaj Bhi
Meri Yaad Say Abaad Hai
Kaho Naaaaaaa
toolbar builder
kabi jo ahd e wafa meri jaan terey merey darmyaan tootey
main chahta hon k is se pehley zameen pe yeh asmaan tootey
teri judayee mein hoslon ki shikast dil pe azaab thehri
k jesey munh zor zalzalon ki dhamak se koi chattaan tootey
usey yaqiin tha k us ko merna hai phir b khuwahish thi usk dil mein
k tez chalney se paishtar dast e dushmanaan mein kamaan tootey
sab daleelain sanbhal kar b merey vakeelo yeh soch lena
vahin pe meri shikast hogi jahan b mera byaan tootey
fana k teeley pe khaima e jaan hava k jhonkey se yun gira hai
k jesey badqismati se buzdil shikaryun ki machaan tootey
voh sang hai to girey b dil par voh aina hai to chubh hi jaiega
kahin to mera yaqiin bikhrey kahin to mera gumaan tootey
ujarr ban ki udas rut mein gazal to Mohsin ne chairr di hai
kisey khaber hai k kis k masoom dil pe ab k yeh taan tootey ?
toolbar builder
Suna hy aaj kal woo preshan rehti hai Usse kehna be-fikar main b nahi hoon Suna hay wo gumsum rehti hai Usse kehna hazir zehan main b nahi hoon Suna hay wo raaton ko jaga karti hai Usse kehna sota main b nahi hoon Suna hay wo chup chup k roti hai Usse kehna hansta main b nahi hoon Suna hai wo mujhe yaad buhat karti hai Usse kehna bhoola main b nahi hoon Suna hy usne wafa ka daawa kia hai Usse kehna bewafa main b nahi hoon
toolbar builder
Tum ne baarishon ko mehz barste dekha hai main ne aksar barishon ko kuch kehte suntey dekha hai, Tum dekhte ho barishon ki jal thal her saal, mene barsat ko barhaa palkon pe machalte dekha hai, Kese mangun barstaa saawan apne RABB se?? in ankhon ne bastion ko saawan mei ujarte dekha hai, Seekh gay hum barishon ko apne undar utarne ka fun, or phir sab ne hamen har pal hr dum hanste dekha hai...!
toolbar builder
Chalo ab hum bichhartey hain Sulagti dhoop mein ghum ki Bhari aankhon ke saawan mein Kaho tum alvida mujh ko Khudha hafiz kahoon main bhi Chalo ab hum bichhartey hain… Safar yeh mukhtasar hoga Yeh hum ko bhi khabar to thhi Yeh tum bhi jaanti thhi ke Koi din ka safar hai yeh Kisi ek moor par ek din Bichhar jaayen ge hum yun hi Tumhari raah ki zid par Mere raste khulenge Yehi wo moor hai jis pe Bichharna hai hamein hans ke Alag raste pe chalna hai Alag manzil ki jaanib ab Chalo ab hum bichhartey hain… Magar jaane se pahle Aakhri darkhaast hai tum se Safar lamba hai mujh ko dedo Apni yaad ki poonji Khanakte bool ke sikkey… Ke kal jab khaamushi dar pe Kabhi aa ke sadda dede To dhar doon uske kaanse mein Khanakte bol ke sikkey Tumharey bol ke sikkey Koi bhi atpata jumla Ke jis me ho Quran-e-zeest ke aayat ka jaadu Tum apni pyaari ungli se Hamari peeth par likh do Ke kal jab lafz dab Jaayen Kitaabon ki imaarat mein Yehi jumla parhunga main Tumhara atpata jumla!! Jaga do lams ke jugnu Mere saare badan par tum wo jugnu jo karein roshan Tumhari yaad ko har dum Ke kal jab bhi andhere se guzar hoga Yehi jugnu to chamken ge Tumhaare lams ke jugnu! Bithaa do pyaar ki titli Alag qismon ki rangon ki Meri har shaakh pe chun ke Ke kal jab zindagi berang hogi to Yehi titli main dekhun ga Tumhare pyaar ki titli! Baha do aankh ka dariya Mere kaandhe pe sir rakh ke wo dariya jiss mein hon apne Bitaaye sab ke sab saawan Ke kal jab tashnagi meri yeh jism-o-jaan jalayegi Yehi dariya piyun ga main Tumhari aankh ka dariya!! Tum apne khushnuma naakhun Chubho do mere seene par Jhapat kar is qadar gahre Ke rahti zindagi tak ek bhali si tees rah jaaye Chalo ab hum bichhartey hain Magar jaane se pahle Aakhri darkhaast hai tumse Safar lamba hai mujhko dedo Apni yaad ki poonji Khanakte bol ke sikkey Koi bhi atpata jumla Tum apne lams ke jugnu Aur apne pyaar ki titli Aur apni aankh ka dariya Vohi ek tees laafaani!!!!
toolbar builder
Usi Ko Apne Dil Mein Basaya Aur Basaya Kuch Bhi Nahi, Jidhar Dekha Udar Woh Nazar Aya Aur Nazar Aya Kuch Bhi Nahi, Duniyaan Walon Ne Bewaja Badnaam Kardiya Mujhe, Maine Bas Uska Dil Churaya Aur Churaya Kuch Bhi Nahi, Bas Aik Usi Ko Nahi Khona Chahtay Thay Hum Laikin, Humne Bas Usi Ko Ganwaya Aur Ganwaya Kuch Bhi Nahi, Woh Jisko Yaad Kiye Baghair Sotay Nahi Thay Hum, Usne Bas Humein Hi Bhulaya Aur Bhulaya Kuch Bhi Nahi
toolbar builder
ik pagli mera naam jo le sharmaye bhi ghabraye bhi galion galion mujh se milne aye bhi ghabraye bhi raat gaye ghar jane wali gum sum ladki rahon mein apni uljhi zulfon ko suljhaye bhi ghabraye bhi kon bichad kar phir lotey ga kiun awara phirte ho raton ko ik chand mujhey samjhaye bhi ghabraye bhi ane wali rut ka kitna khof hai us ki ankhon mein jane wala door se hath hilaye bhi ghabraye bhi kiya jane woh kon hai mohsin jis ki khatir raton ko tez hawa pani par naqsh banae bhi ghabraye bhi
toolbar builder
Park Ki Puraani Seaton Par Baitay Baitay Do Saaye Thay Un Saayon Ke To Dil Bhi Thay Wo Saaye To Hum Tum Hee Thay Kiya Bhool Gaye Un Baaton Ko Jo Bait Ke Hum Kiya Karthay Thay Wo Teri Hansi Ki Aawazein Wo Mere Zakhmo Par Jaise Marham Wo Tere Waaday Aur Dillasay Bhi Mein Jin Pe Umeed Ki Dorain Bandtta Tha Wo Tera Mil Ke Bicharna Phir Mujhe Yaad Hai Wo Haqeeqat Bhi Aur Phir Tera Na Mujh Se Kabhi Milna Mera Un Seaton Par Bait Kar Akelay Rona Phir Yaadon Ki Ghatlee Nikal Kar Un Mein Kuch Achi Yaadein Chunna Kuch Pagalpan Ki Baatein Thee Kuch Chahat Ke Sapnay Bunna Aur Phir Khatam Hoye Saaray Qissay Jab Kaghaz Par Tehreer Banay Mein Bhoola Nahi Hoon Saari Baatein Magar Kiya Karon inhain Yaad Kar Ke
toolbar builder
Bicharrne wale...! Tujhe khabar hai? K tere jaane se mera jeevan, Hazaar khanoun main batt gaya hai, Tujhe khabar hai bicharrne wale...! K meri khushian he kho gai hain, Main kitna tanha sa ho gaya hoon, Wajood mera tou is safar main , Ye dekh zakhmoun se att gaya hai, Main sochta hoon... Magar yeh sochen, Kyon aik nuqte pe jamm gai hain, Mujhe yeh mahsoos ho raha hai, K Jese saansen he thamm gai hain... Mujhe bata de bichrrne wale...! K khud ko kese sambhalna hai, Hijar k rastouN pe chalte chalte, Ye mere paaon lahoo main tarr hain, Yaqeen ker le main thakk gaya hoon... Bicharrne wale...! Tujhe Khabar hai? Main kub ka khud se bicharr chuka hoon...!!!
toolbar builder
Zindagi k is lamhay Main bethi sooch rahe hoon ke mujhe tum se kitni Mohabat hai, shayad iska andaza kerna, Namumkin hai meray liye, Mohabat ki koi inteeha nahei hoti, isay bayaaN kerne ki koi zabaaN nahei hoti, sirf itna jan lo JanaaN, jitay taray asmaaN main hain, jitnay phool zameeN per hain, meray dil ke nihaaN khanoon main, itnay hi Deep jalay hain, Jo Tumharay naam ke hain, Suno Humsafar! Zindagi ke kisi lamhay main, mujh se juda tum maat hona, Lamha_e _Qayamat hoga wo meray leye, KE TUMBIN ZINDAGI SE MAUT ACHI HAI..........
toolbar builder
Qissa Abhi Hijjab Se Aagay Nahi Barha Mein Aap, Woh, Janab Se Aagay Nahi Barha Muddat Hui Kitab-e-Mohabbat Shurru Kiye Lekin Mein Pehle Baab Se Aagay Nahi Barha Lambi Musawatein hein Magar Iss Sawar Ka Paaon Abhi Raqaab Se Aagay Nahi Barha Tool-e-Kalam Kay Liye Mein Ne Kiye Sawal Woh Mukhtassar Jawab Se Aagay nahi Barha Rukhsaar Ka Pata Nahi Aankhen To Khob hein Darshan Abhi Naqaab Se Agay Nahi Barha Woh Lazat-e-Gunnah Se Mehroom Hee Raha Jo Khuwahish-e-Sawab Se Aagay Nahi Barha
toolbar builder
~*~SHAAM KA DHALTA SORAJ~*~ Shaam Ka Dalta Soraj, Kuch Kehte Kehte Doob Giya, ~*~ Tanhai k ik roz Aalam main, ~*~ Udasi k ik Din Manzar main, ~*~ Ghum k Gehrey saaye main, ~*~ Shaam Ka Dalta Soraj, Kuch Kehte Kehte Doob Giya... ~*~ Chal rahi thi Pursooz Hawa, ~*~ Lagta tha k Jaise..... ~*~ Koi Saada zoor se Ghonje gi, ~*~ Koi Chekhy ga Chalaye ga, ~*~ Rang Faluk bhi apna Badle ga, ~*~ Ek Surkhi har so Phailey gi, ~*~ Main ne Dekha jo Daltey Soraj ko, ~*~ Ek Karb ka Manzar waizey tha, ~*~ Ek dard ka Fasaana Roshan tha, ~*~ Ek Rang tha sirf Udaasi ka, ~*~ Ek Ehsaas tha sirf Bezaari ka, ~*~ Lagta tha Jaise..... ~*~ Sadihon pe Phaili Kahani ka, ~*~ Aaj Raaz to Afshaa ho ga, ~*~ Aaj saari Duniya Dekhe gi, ~*~ Aaj khob Tamasha hoga, ~*~ Youn Lagta tha k Jaise..... ~*~ Aaj Dil khol k Soraj Roye ga, ~*~ Tab chain ki Neend ye Soye ga, ~*~ Is Dil sooz Hawa main jaise, ~*~ Aaj bohot se Fasaly hone Hain, ~*~ Lekin Fasaly ki is Ghari main, ~*~ Waqt ne barri Na-Insaafi ki, ~*~ Main ne Aankh utha k Dekha jo, ~*~ Bari Hasrat se Majbori se, ~*~ Meri Aankhon main Aankhen daaley, ~*~ SHAAM KA DHALTA SORAJ, KUCH KEHTE KEHTE DOOB GIYA...!!!
toolbar builder
Neendain meri aankhon se churaata hey wohi shakhs-- so jaaon tau khaabon main bhi aataa hey wohi shakhs-- jis zakhm ka khaliq bhi koi aur naheen hey -- us zakhm pa marham bhi lagata hey wohi shakhs-- haathon ki lakeeron main bhi talashey wo mujhko-- hathon ki lakeerain bhi mitaata hey wohi shakhs-- rakhta hey mujhey qaid bhi ek band galli main-- rastey bhi niay mujhko sujhata hey wohi shakhs-- har lamha yeh koshish main ussey bhool hi jaaon-- pehlay se siwa yaad bhi aataa hey wohi shakhs-- ham jin se tallab roshinian kartey rahey hain-- aata hey tau shmain bhi bujhata hey wohi shakhs-- jo aaiena main apnay liay dhoond ka laaya-- us main bhi hamesha nazzar aata hey wohi shakhs-- us shakhs ki khaatir hoon main dunia se judaa bhi-- laiken maira dunia se bhi naataa hey wohi shakhs-- jis shakhs kay honay se thi es shehar ki rozaq-- suntay hain kay es shehar se jaataa hey wohi shakhs--
toolbar builder
Sochti hoon ke mein ne... kion chaha, kion itna eitebaar kiaa... tum ne chorr hi to jana thaa... ajab si baat hai... aankh band ho tumhen sochoon... har dil ki dharrkan ...tumhen mangey... is qadar pyar to nahen paao ge... is terah paas koi aaye bhi to... yaqeen hai mujh ko... dhoondhtey raho ge... lekin...kisey...kahan.. koi nahen hai ab to... jisko dhoondh paao.. jissey dil ka haal sunao... koi nahen hai... khud hi to torr diye tum ne... chahaton ke sab rishtey.. sab kassmen khud hi torr deen tumne... sochti hooon...ab to shayed aitebaar ker hi na paaoon.. jorr liya hai rishta.. is tanhaayee se .. jo pal pal ehsaas dilati hai... ke wo meri hai... haan ye tanhayee meri hai.... aur koi nahen kabhi nahen....!!!!
toolbar builder
Tum apni ranj-o-ghum apni pareshaani mujhe de do Tumhe gam ki kasam is dil ki veerani mujhe de do Ye mana main kisi qaabil nahi hoon, in nigahon main Bura kya hai, ye hairaani, ye dukh, mujhe de do Main dekhoo to sahi duniya tumhe kaise satati hai, Koi dil ke liye apni nigehbaani mujhe de do Wo dil jo maine maanga tha magar gairon ne paaya hai, Badi sahi hai agar pareshaani mujhe de do
toolbar builder
Jahan jahan bersaat uterti daikhi hai Her sou teri yaad bikherti daikhi hai Tum se pehlay dil sa buzdil koi na tha Aur phir iss dil se dunya derti dekhi hai Dil ke gehray sannatay main raaton ko Kabhi kabhi ik hook ubherti dekhi hai Buss ik jeenay ki khwahish thi aur wo bhi Hum ne apni aankhon merti dekhi hai
toolbar builder
Yeh Dasht Yeh Wehshat Yeh Shaam k Saye, Khuda Yeh Waqt Teri Aankh Ko Na Dikhlaye, Usi K Naam Se Lafzon Mai Chand Utre Hain, Who Ek Shakhs K Dekhon To aankh Bhar Aaye, Kali Se Mai Ne Gul-e-Tar Jise Banaya Tha, Ruten Badalti Hian Kese Mujhe Hi Samjhaye, Jo Be Charagh Gharon Ko Charagh Deta Hai, Usey Kaho K Mere Shehar Ki Taraf Aaye, Yeh Iztarab-e-Musalsal Azaab Hai AMJAD, Mera Nahi To Kisi Or Ka Ho Jaye……!!!!!!!!
toolbar builder
Shaam hotay hee woh chokhat par jala kar shamma Apni aplkon pay kai khwab sajati ho gi Is nay silwa bhi liye hongay siyah rang k libaas Ab matam ki tarah Khushi wo manati ho gi Meray tareek zamanay say nikalnay wali Roshni tujh ko meri yaad dilate ho gi Dil ki masoom raggin khud he sulagti hon gi Jonhi tasveer ka kona woh jalati ho gi Roop day kar mujhay is mein shehzaday ka Bachon ko kahani woh sunati ho gi Sochta hoon k usay neend bhi aati ho gi Ya meri tarah ashq bahati ho gi Woh meri shakal mera naam bholanay wali Apni tasveer say kya aankh milati ho gi Is zameen par bhi hai selaab meray ashqon say Mere matam ki sada arsh hilati ho gi…...!!!!!!
toolbar builder
main aur meri bekhudi ab teray naam hay, meri tamaam zindagi ab teray naam hay. socha tha zindagi ka safar tanha karain gay, iss zindagi ki har khushi ab teray naam hay. logon ki baat dil pe na lena kabhi sanam, meri toe sans akhri ab teray naam hay. jalnay do inko jalnay ki aadat hay purani, main aur meri dosti ab teray naam hay. hum say wafa karo na karo jan-e-tamanna, apni toe sari zindagi ab teray naam hay. ehsas zindagi ka mujhay denay walay sunn, lamha meri ghari meri ab teray naam hay. na faasla koi hay na deewar-e-dushamanaan, yeh chaand aur yeh chandni ab teray naamhay. yeh aarzoo choti si Mussawir ke dil main hay, woh bhi kahay yeh aashiqi ab teray naam hay.
toolbar builder
har pal tujhe yaad yeh dil karta tou hai, teri khushi ki fariyaad yeh dil karta tou hai, tumne tou karli bewafaai humse, phir bhi tujhi se wafa yeh dil karta tou hai, meri mohabbat ko tune kai ilzaam de diye, phir bhi tujhe chahne ki khata yeh dil karta tou hai, todd ke wada tum chal diye, phir bhi tera intzaar yeh dil karta tou hai, gham tujhe kabhi chhoo na paaye, bus yehi dua yeh dil karta tou hai, tere sare aansoo muhje mil jaaye, yehi iltijaa yeh dil karta tou hai , dil ke badle dil ke anginat tukde mile hume, toota hua hi sahi tere liye yeh dil dhadkata tou hai, na mil saki mohabbat teri humein, phir bhi tujhise mohabbat yeh dil karta tou hai, tum tou kar na sake iqraar-e-mohabbat, lekin pyar ka izhaar yeh dil karta tou hai, har modd per sivaye dagaa kuch na diya tumne, phir bhi tere liye khuda se takraar yeh dil karta tou hai.
toolbar builder
Naqsh yaadon k mitati hy tou ro parti hai Wo mery khat jo jalati hai tou ro parti hai Khoon dakhta hai mere marte huey sapno ko Khwab ankhon mein basati hai tou ro prti hai Log puuchein jo kabhi gehri udasi ka sabab Baat logon se chupati hai tou ro parti hai Yaad karti hai mjhy toot kar us lamhy Sham chehra jo dkhati hai tou ro parti hai Wo bary zabt bary hosly wali larki Gham ko tehreer banati hai tou ro parti hai ...
toolbar builder
Wiraan Sa Ujjrra Sa Tanha Koi Shakhs Kal Raat Akaile Mein Shayad Kuch Warq Jala Raha Tha.. ...Uthte Huwe Sholon Mein Khud Bhi Ik Shola Nazar Aa Raha Tha.. Jhatak Raha Tha Sar Woh Aansu Baha Raha Tha.. Aise Mein Kisi Ne Guzarte Huwe Pucha... Pagal! Kitaab Jala Rahe Ho..? Tarap Kar Bola Nahi........Khawab..
toolbar builder
soch k sahrao me khara hoon main hath philaey terey intazar me khara hoon main merey lafzo ki aah ko tu samaj na saki kali rato me aag me khara hoon main dil toot kar raiza raiza ho gia he dil ka dard liey wirano me khara hoon main khuda k liye koe us se mila de mujey apney hi anso me doob mara hoon main koe to merey khabo ko tabeer de toot na jaey isi liye ankhey band kiey para hoon main kabi palat ke ik bar dekhna zindagi me ha aj b unhi raho pe akaila khara hoon main
toolbar builder
Yeh dolat bhi ley lo yeh shuhrat bhi ley lo Bhaley chheen lo mujhsey meri jawani Mager mujhko lota do bachpan ka sawan "Wo kagaz ki kashti wo barash ka pani" Muhalley ki sab sey purani nishani Wo bhuriya jisey bachey kehtey they nani Wo nani ki baton mein parion ka dera Wo chehrey ki jhurion mein sadion ka pehra Bhulaye nahi bhool sakta hey koi Wo Chhoti si ratein wo lambi kahani Kari dhoop mein apney ghar sey nikalna Wo chiriya wo bulbul wo titli pakarna Wo guriya ki shadi pey larna jhagarna Wo jhuloon sey girna or gir ker sanbhalna Wo peetal key chhalon key piyarey sey tuhfey Wo tooti huee choorion ki nishani "Wo kagaz ki kashti wo barash ka pani" "Wo kagaz ki kashti wo barash ka pani
toolbar builder
abb nahi neend may aingay,chalo wada raha,
app ka saath nebhaingay,chalo wada raha,
eyhad yeh tark-e- mohoobat ka meri jan nahi toringay,
app ko hum na bhulaingay chalo wada raha,
shab ki tanhai may tum yaad agar aye kabhi,
ek bhi ansoo na bahaingay,chalo wada raha,
roth janay pe na joringay kabhi apnay hatth,
tujh ko hergiz na maningay,chalo wada raha,
apnay ujtay huye iss dil kay neha khanoo may,
teri suraat na sajingay,chalo wada raha,
lay teray hukum pe hum saher tera choor chalay,
abb na lot kay aingay.chalo wada raha,
abb mohoobat ki na umeed rakhin gay,tujh say,
dil may arman na basaingay ,chalo wada raha...
toolbar builder
Mujhe Ye Zidd Nahi Mere Gale Ka Haar Ho Jao Akele saath Dena Tum Jahan Be-Zaar Ho Jao, Bahut Jaldi Samajh Mein Aane Lagte Ho Zamane Ki, Bahut Aasan Ho, Thode Bahut Dushwar Ho Jao, Mulakaton Mein Wafa Isliye Hona Zaroori Hai, Ke Tum Ek Din Judayi Ke Liye Taiyar Ho Jao, Main Kaisi Chil-Chilati Dhoop Ke Sehra Se Aaya Hoon, Bas Ab Aisa Karo, Tum Saya-E-Deewar Ho Jao, Tumhare Paas Dene Ke Liye Jhuthi Tasalli Ho, Na Aaye Aisa Din, Tum Is Kadar Nadar Ho Jao, Tumhe Malum Ho Jayega Kaise Ranj Sehte Hai, Meri Itni Dua Hai Kash Tum Fankar Ho Jao...
toolbar builder
Mohabbat khoney or paney ka naam sahi
Lekin mohabbat jeet janey ka nam bhi hai
Main ne tumhey paya
Tum ne mujhe paya
Aao aaj aehad karain
Humari mohabbat sada rahegi
Isey khoney na deingey
Rastey ki har deewar ko
Giraney main tum mera saath dogey
Aao wada karain
toolbar builder
Saal ka Aakhri Din Hai
Abhi Kuch Dhoop Hai Lekin
Zara Si Dair ko Tay Hai Ke Akhir Shaam Hona Hai
Haqiqat Ya Kahani Jo Bhi Hai Anjam Hona Hai
Chalo Mil Baith Ke Apne Khasare Bant Lete Hain
Sab Hi Rang Aur jugno Aur Sitare Bant Lete Hain
Zara Si Dair Ko Tay Hai ke Akhir Shaam Hona Hai
Haqiqat Ya Kahani Jo Bhi Hai Anjam Hona Hai
To kyon Naa Kuch Shaam Se Pehle
Jo Kuch Ghariyan Muyasir Hain
Unhi Mein Zindagi Kar Lain,
Kisi ehsaas Ki Shama Jala Kar
Inn Andheron Main
Koye Daam Roshni Kar Lain
Chaloo Hum Dosti Kar Lain
Zara See Dair ko Tay Hai Ke Akhir Shaam Hona Hai
Haqiqat Ya Kahani Jo Bhi Hai Anjam Hona Hai.
toolbar builder
Kidhar gaya wo mujhe khaak se rehaa ker ke Pata chale gaa hawaaon se raabta ker ke Jahaan bhii jaaon gaa dukh mere saath jaaye gaa Ke jaise jurm kiya hai koii wafaa ker ke Jo kal kii subha hai merii hai yaa kisii kii nahiin Main tergii se larra huun ye faisla ker ke Mitta hii laite hain mehroomi-e-bahaar kaa gham Tumhaarii bazm main phuulon kaa tazkra ker ke Kisii ne aag jalaii hai parbaton pe Koii chala hai samandaron main raasta ker ke
toolbar builder
Wisaal-O-Hijr Mein
Ya Khwab Se Mahroom Aankhon Mein
Kisi Ahd-E-Rifaqat Mein
Ke Tanhai Ke Jangal Mein
Khyal-E-Khal-O-Khad Ki Roshani Ke Gahre Baadal Mein
Chamkti Dhoop Me Ya Phir
Kisi Be Abr Saye Mein
Kahin Baarish Me Bhige Jism-O-Jaan Ke Nasrparon Mein
Kahin Hoton Pe Shairon Ki Mahaktie Aabsharon Mein
Chiraghon Se Saji Shaamon Mein
Ya Benoor Raaton Mein
Sahr Ho Runuma Jaise Kahin Baaton Hi Baaton Mein
Koi Lipta Hua Ho Jis Tarah
Sandal Ki Khushboo Mein
Kahin Pe Titliyon Ke Rang Tasweeren Bana Te Hon
Kahin Pe Jugnuon Ki Muthiyon Me Roshani Khud Ko Chupati Ho
Kahin Kaisa Hi Manzar Ho
Kahin Kaisa Hi Mausam Ho
Tere Saare Hawalon Ho
Teri Saari Misalon Ko
Mohabbat Yaad Rakhti Ha i
toolbar builder
BAHARAIN KAB GULSHAN MAIN SADA REHTI HAIN.
KALION MAIN
KHOSHBOO TA OMER KAHAN REHTI HAI.
SAWAN AIK HI ZAMEEN PAR
BARASTA TO NAHI.
BADAL KISI DASHT MAIN RUKTA TO NAHI.
JUDA HO JATAYHAIN PATAY BHI DARAKHTON SAY.
FASLAIN BHI
KAT JATIN HAIN KHAITOON SAY.
SAHIL PAY LEHRAY A KARCHALI
JATIN HAIN.
HAWAIN TO BUS CHO KAR NIKAL JATIN HHAIN.
DUNYA MAIN KOI KISI KA HO KAR NAHI RAHA HAI.
TAMAM OMER
KOI YAD KARAY NAHI AESA TO NAHI HUA HAI.
PHIR BICHARNAY K IS
LAMHAY TUM Q UDAS HOTAY HO.
SAMJHO K AIK DOJAY KO HUM NAY
CHAHA HI NAHI THA.
KOI NAGHMA LABOON PAR HUM NAY SAJAYA HI
NAHI THA.
DIL MAIN PALNAY WALAU EHSAS_E_MOHABAT KO DABA DO
TUM.
HAN MAIN AJJ TUM SAY KHETI HUN K MUJHAY BHOLA DO TUM.
MERAY LAFZOON KA YEH HASIL HAI K MAIN NAHI TUMHARAY LIYE...
BICHARNAY SAY KUCH DAIR PHALAY MUJHAY YEH SAB KHENAY WALI..
WAFA KO ANJAAM KA GHERA KARB DENAYWALI.
MERI ZINDAGI SAY
DAMAN CHURANAY WALI.
JATAY HOYE JAB PALTI TO DARD AOR BHI
GHERA THA.
US KI ANKHOON MAIN KAJAL MERI TAKDEER KI TARAH
BIKHRA THA
toolbar builder
aye kuch abr kuch sharab aye
us k bad aye jo azab aye
bam-e-mina se mahtab utre
dast-e-saqi main aftab aye
har rag-e-khun main phir charagan ho
samne phir wo benaqab aye
umr k har waraq pe dil ko nazar
teri meher-o-wafa k bab aye
kar raha tha gam-e-jahan ka hisab
aj tum yad behisab aye
na gai tere gam ki sardari
dil main yun roz inqalab aye
jal uthe bazm-e-gair k dar-o-bam
jab bhi ham khanamankharab aye
is tarah apni khamashi gunji
goya har simt se jawab aye
'Faiz' thi rah sar basar manzil
ham jahan pahunche kamayab aye
toolbar builder
Ya Rab Hamein Tujhse Koi Gila Bhi Nahi
Wo Naseeb Mein Nahi Tha Isliye Mila Nahi,
Seencha Tha Jis Chaman Ko Apne Dilke Lahoo Se,
Phir Kyon Barsaat Mein Koi Phoool Khila Nahi,
Na Lage Koi Chit Is Dil-E-Natawan Par,
Abhi To Pichhla Zakham Bhi Mujhse Sila Nahi,
Manga Tha Jholiyan Utha Utha Kar Use,
Magar Hamein Duwayon Ka Koi Sila Mila Nahi...